Nov 29(Jowhar)-Ilhaan Cumar oo ka tirsan Aqalka Kongareyska Mareykanka ayaa ka hadashay weerarkii toogashada ahaa ee Arbacadii ka dhacay magaalada Washington DC, kaas oo lagu toogtay laba askari oo ka tirsan Ilaalada Qaranka Mareykanka.
Mid ka mid ah askarta la toogtay oo ahayd haweeney da’yar ayaa u geeriyootay dhaawacii soo gaaray.Weerarka waxaa lagu eedeyay nin u dhashay dalka Afghanistaan oo sanado ka hor tagay dalka Mareykanka, kaas oo la sheegay in uu horey ula shaqeyay ciidamada CIA-da Mareykanka.
Haddab xildhibaanad Ilhaan oo barteeda Facebook qoraal soo dhigaty ayaa sidan tiri: “Qalbigaygu si weyn ayuu uga murugooday geeridaSarah Beckstrom, oo ka tirsaned Ciidamada Ilaalada Qaran, taasoo si naxdin leh loogu waayey toogasho ka dhacday DC,”.
Sidoo kale waxey farriin duco ah u dirtay askariga kale ee dhaawac ah,”Waxaan Ilaahay ka baryayaa inuu si degdeg ah u bogsiiyo Andrew Wolfe”.Toogashadii dhacday Arbacadii kadib madaxweyne Trump wuxuu weerar afka ah ku qaaday Soomaalida ku nool dalka Mareykanka, gaarahaan gobolka Minnesota oo ku tilmaamay kuwo ka yimid dal aan dowlad iyo nidaam midna ka jirin.
