Aug 30 (Jowhar)-Waxa saaka loo dareeraya hoolka doorashada Madaxweynaha iyo Madaxweyne ku Xigeenka maamulka cusub ee Waqooyi Bari.
83-da xildhibaan ee baarlamaankan ayaa soo dooran doona madaxweynaha iyo kuxigeenkiisa ee maamulkan hoggaamin doonna Shanta sano ee soo socota.
Musharixiinta kala ah Cabdulqadir Firdhiye, Cabdirisaq Khaliif, Jamaal Xasan, Maxamud Gurey iyo Rashid Macalin Faarax ayaa buuxiyay shuruudaha madaxweyne, kuwaasoo loolan adag uu dhexmari doono.
Madaxweyne xigeenka waxaa iyana ku tartami doono; Cumar Daahir Xasan, Abdirashiid Yuusuf Jibriil, Cabdirisaaq Maxamed Jaamac, Cabdisataar Sheikh Cismaan Cumar iyo Maxamed Cabdi Bulaale.
Olole xooggan oo soo bilowday saqdii dhexe ee xalay ayaa ilaa iyo haatan socdo, waxaana la filayaa inuu goordhow doorashada bilowdo.
Qaat kamid ah musharrixiinta ayaa hoolka doorashada ku sugan, waxaaba howsha hagaya guddiga doorashada ee gudoonka baarlamaanka maamulkaasi.
