Jun 21(Jowhar)-Raii’sal Wasaaraha UK Keir Starmer ayaa sheegay inuu iska casilayo xilka raysal wasaarenimada. Waxaa kale oo uu sheegay inuu iska casilayo xilka hoggaanka Xisbiga Shaqaalaha.
Ra’iisul wasaaraha ayaa cadaadis badan saarnaa tan iyo markii Andy Burnham uu ku guuleystay doorashadii ku celiska ahayd ee Makerfield todobaadkii hore.
Haddii UK ay hesho ra’iisul wasaare cusub – oo ah kii shanaad muddo afar sano ah – waxaa la magacaabi doonaa gole wasiirro oo cusub waxaana la dejin doonaa barnaamij siyaasadeed oo cusub.
Hadal uu jeediyay Starmer ayaa waxaa ereyadiisii ka mid ahaa;
“Mahadsanid Mahadsanid Socodka waddadan laba sano ka hor waxay ahayd xilligii noloshayda ugu faani jiray. Dawlad cusub oo Labour ah. Markii ugu horeysay muddo 14 sano ah. Bog ka mid ah taariikhda dalkeenna ayaa rogaal-celiyey sannado badan oo niyad-jab iyo quus ah.”ayuu ku bilaabay qudbadiisa.
“Lix sano ka hor, waxaan dhaxlay xisbigii Labour-ka oo siyaasad ahaan, dhaqaale ahaan iyo akhlaaq ahaan ba ka dhacay. Waxaa la ii sheegay, mar iyo marba, in xisbigaygii uu dhammaaday.”ayuu yiri Starmer.
Ra’iisul wasaaraha xilka ka degey ayaa sheegay inuu ka codsan doono Guddida Fulinta ee Heer Qaran ee Xisbiga Shaqaalaha inay dejiyaan jadwal ay magacaabistu furmi doonto 9-ka Luulyo oo ay ku dhammaanayso fasaxa xagaaga.
