Aug 31 (Jowhar)-Saraakiil ka socotay Ciidanka Qalabka Sida ee Masar oo ka kooban 16 xubnood ayaa maanta soo gaaray magaalada Miqdisho, ujeedka socdaalkooda ayaa ahaa si ay u sameeyaan kormeer xog-raadis ah ka hor inta aan la soo dirin cutub milatari oo lagu biirinayo AUSSOM.
Wafdiga oo uu hoggaaminayo Sareeye Guud Islam Radwan waxaa soo dhaweeyay saraakiil ka tirsan AUSSOM iyo Ciidanka Xoogga Dalka Soomaaliyeed (CXDS).
Intaas kadib waxay la kulmeen hoggaanka AUSSOM oo uu horkacayay SRCC iyo Madaxa Howlgalka, Danjire El Hadji Ibrahima Diene, waxayna ka qeyb galeen kulan lagu soo bandhigayay xaaladda amniga oo ka dhacay xarunta taliska ciidanka AUSSOM.
Sidoo kale, wafdigu waxay booqan doonaan xarumo muhiim ah oo loogu talagalay dejinta iyo saadka ciidamada Masar ee Muqdisho iyo goobaha hawlgalka.
