Aug 29 (Jowhar)-Warbaahinta Yemen ayaa saaka ku warantay in duqeyn lagu dilay ra’iisul wasaaraha Xuutiyiinta ,duqeynta oo ka dhacday caasimadda Sanca waxaa fulisay isra|l.
Axmed al-Rahawi ayaa lagu dhuftay gantaal isagoo ku sugnaa guri ku yaalla xaafadda Bayt Baws. Waxaa lala dilay dhowr ka mid ah saaxiibadiisa ugu dhow.
Al-Rahawi wuxuu Xuutiyiinta u ahaa ra’iisul wasaare muddo ku dhow hal sano, xilkiisuna wuxuu ahaa mid maamul oo ka tirsan dowladda aan la aqoonsanayn.
Duqeynta maanta dhacday ayaa u muuqatay mid ka duwan weerarkii kale ee isra|l Khamiistii fulisay, kaas oo lagu bartilmaameedsaday kulan ay isugu yimaadeen hoggaamiyeyaasha sare ee Xuutiyiinta intii uu khudbad jeedinayay hogaamiyaha kooxda, Cabdil-Malik al-Xouthi.
Warbaahinta Yemen iyo saraakiisha amniga ayaa ku tilmaamay kulankaas inuu ahaa nooc shirka golaha wasiirada oo ay ka qayb galeen wasiirro iyo saraakiil sare oo ciidan. Toban sarkaal oo la rumeysan yahay in lagu dilay waxaa ka mid ahaa wasiirka difaaca Xuutiyiinta iyo taliyaha guud ee ciidanka, kaas oo horay dhaawac uga soo gaaray weerar hore oo la sheegay in isra|l qaaday.
