Aug 27 (Jowhar)Ciidamada Kenya ayaa sheegay inay dileen shan dagaalyahan oo ka tirsan kooxda Al-Shabaab halka kuwo kale ay baxsadeen iyagoo dhaawacyo qaba, arrintan waxey dhacday howlgal ka dhacay kaymaha Boni ee bariga dalkaasi.
War kasoo baxay dowladda Kenya ayaa lagu sheegay in ciidanku ay soo heleen isla markaana “baabi’iyeen” xero ku-meelgaar ah intii ay ku guda jireen xiiraan sirdoonkoodu hoggaaminayay oo ka dhacay deegaanka Lacta Mangai ee gudaha kaynta.
Intii lagu guda jiray hawlgalka, ciidamada ayaa qabtay qoryo AK-47 ah, madaafiic RPG iyo madaxyadooda, rasaas, qalabka qoraxda la isaga difaaco, teendhooyin iyo walxo loo adeegsan jiray samaynta qaraxyada dhulka lagu aaso (IEDs).
Milatariga ayaa hoosta ka xarriiqay in howlgalka oo ay ugu magacdareen (OAB) uu weli ku dadaalayo “soo celinta nabad iyo amni waara” ee gobolka Boni.
OAB waa hawlgal amni oo ay iska kaashanayaan hay’ado kala duwan oo lagu bartilmaameedsanayo Al-Shabaab isla markaana lagu xaqiijinayo badqabka shacabka ee gobolka xeebta Lamu iyo nawaaxigiisa, gaar ahaan agagaarka kaymaha Boni oo ku dhow xadka Kenya iyo Soomaaliya.
Al-Shabaab oo dagaal kula jiray dowladda Soomaaliya muddo ka badan 16 sano, ayaa si joogto ah u beegsada ciidamada amniga, mas’uuliyiinta dowladda iyo shacabka.
