Aug 05 (Jowhar)-Booliska maraykanka ayaa sheegay in la qabtay nin sitay qori gacmeed iyo rasaas isagoo jooga goobta lagu ciyaaro golf-ka ee Donald Trump ee Los Angeles, maalmo ka hor booqasho la qorsheeyay inuu halkaas ku tago maalmo kadib madaxweynaha Mareykanka.
Ninka, oo Axaddii lagu xiray Xarunta Golf-ka Qaranka ee Trump ee Rancho Palos Verdes, ayaa Waaxda Sheriff-ka ee Degmada Los Angeles ay ku magacawday Jeanine John Taele waana 38 jir ah.
Waaxdu waxay sheegtay in la arkay isagoo sawiraya oo duubaya goobta isagoo u muuqda inuu la socdo diyaargarowga amniga ka hor inta uusan Trump ka soo muuqan casho lacag ururin ah oo Xisbiga Jamhuuriga uu Talaadada qaban doono.
Markii boolisku ay ninka la kulmeen, waxay ogaadeen in sidoo kale loo raadinayay dacwad la xiriirta dhac uu baarayay Booliska El Segundo, oo qiyaastii 25 kiiloomitir waqooyi ka xiga Rancho Palos Verdes.
Markii la baaray, waxaa laga helay qasnad rasaaas qaadi karta 16 xabbo oo ay ku jireen rasaasta hollow-point Gaarigiisa oo yaallay garoonka golf-ka waxaa laga helay bastoolad rasaas ku jirto iyo khasnad kale oo rasaastaas ah.
Rasaasta hollow-point waa nooc rasaas ah oo marka ay qof ku dhacdo fida oo balaarta, taasoo keenta dhaawac aad u daran oo gaara xubnaha muhiimka ah ee jirka.
Gobolka California, oo leh qaar ka mid ah sharciyada hubka ugu adag ee Maraykanka, wuxuu mamnuucay qaybta rasaasta ee qaadi kara in ka badan 10 xabbo.
Maalintii Isniinta, ciidamada FBI Joint Terrorism Task Force iyo Waaxda Dambiyada Waaweyn ee Sheriff-ka Los Angeles ayaa baaray guriga Taele ee magaalada Downey.
Baaritaanku wali wuu socdaa, iyadoo ay gacan ka geysanayaan US Secret Service, waxaana saraakiishu sheegeen in eedeymo dheeraad ah la soo oogi karo.
