Apr 16(Jowhar) Dowladda Maraykanka ayaa iska fogaysay in ay qorshaynayso saldhig milatari cusub oo ay ka dhisato Somaliland, ka dib warbixintii Fox News.
Afhayeen u hadlay AFRICOM ayaa ka jawaabay, hadal uu baahiyay Fox News Digital: “Maraykanku ma raadinayo inuu dhiso saldhigyo cusub, maadaama tallaabooyinka noocaas ahi aysan waafaqsanayn istaraatiijiyadda amniga ee ‘America First’ ee uu dejiyay Madaxweyne Trump iyo Xoghayaha Difaaca.”
Dhanka kale, afhayeen u hadlay Wasaaradda Arrimaha Dibadda ee Maraykanka ayaa sheegay in Washington ay “sii waddo aqoonsiga madax-bannaanida iyo wadajirka dhuleed ee Jamhuuriyadda Federaalka Soomaaliya, oo ay ku jirto Somaliland,” taasoo dib u xaqiijinaysa mowqifka rasmiga ah ee Maraykanka.
